လုမ္ဗိနီသာမော အင်ကြင်းတော (ပထမ သံဝေဇနိယ)

      

                                                                                                                                   ဘုရားလောင်းတော်မြတ် ဖွားမြင်တော်မူရာ လုမ္ဗိနီသာမော အင်ကြင်းဥယျာဉ်တော်ကို  သံဝေဂဥာဏ်  ယူရမည့်နေရာဌာနအဖြစ် ပထမသံဝေဇနိယဟု ခေါ်ကြပါတယ်။ ဒီကမ္ဘာမှာ မွေးဖွားလာသူတိုင်းဟာ တစ်နေ့မုချ  အိုကြရ၊ နာကြရ၊ သေကြရမယ်။ ဒါကတော့ မပြောင်းလွဲနိုင်တဲ့ သင်္ခါရတရားပါဘဲ ။

သဒ္ဓါကြည်ညို ရိုသေလှစွာ

     
        ငါ၏ စိတ်တွင် အတ္တ၀င်က

         ၀င်လာအတ္တ  အနိုင်ရအောင်

         အတ္တကင်းစင်  ဘုရားရှင်ကို

         ငါလျှင်ကြည်ညိုမိပါ၏။ ။

                                             (မင်းကွန်းတိပိဋကဆရာတော်ကြီး)

         လောက၌လူသားများသည် မိမိကိုယ်၌ ငါသာလျှင် အမြတ်ဆုးံ၊ ငါသာလျှင် အသိဆုးံ၊ ငါသာလျှင် အကောင်းဆုးံ၊ ငါနုင့်ဆက်နွယ်သူများသာလျှင် အတော်ဆုးံ၊ အတတ်ဆုးံ အသိအလိမ္မာအရှိဆုးံဟု အတ္တမာန၀င်လာ တတ်ကြပါသည်။

မဟာမုနိ ဘဂ၀ါ ဓမ္မပူဇာ

အမေများရဲ့ အမေ

    

"လူ့ဘုံဌာန၊ ဤလောက၌၊ ဖကိုလက်ယာ၊ မိမှာလက်ဝဲ၊ ပခုးံထက်တွင်၊ တင်လျက်လုပ်ကျွေး၊ မပြတ်ကျွေးလည်း၊ ကျေးဇူးဂုဏ်အင်၊ မကုန်နိုင်ဘူး။" (မဃဒေ၀) 

နှစ်စဉ်  မေလဒုတိယအပတ် တနင်္ဂနွေနေ့ကို  ကမ္ဘာမှာနိုင်ငံအများစုက အမေအားလုးံကို  ဂုဏ်ပြုသောနေ့ အဖြစ် အမေနေ့ဟု သတ်မှတ်ခဲ့ကြသလို မြန်မာနိုင်ငံမှာလည်း  အမေအားလုးံကို ဂုဏ်ပြုသောအားဖြင့် နှစ်စဉ်ပြာသိုလပြည့်နေ့ကို အမေနေ့ဟု သတ်မှတ်ခဲ့ကြပါတယ်။

အမှတ်တမဲ့ မှ အမှတ်တရသို့ .2012

   ဦးဇင်းဟာ 1-1- 2012 .နှစ်ရဲ့ နှစ်သစ်ကူးမှာ အိန္ဒိယနိုင်ငံ၊ ယူပီပြည်နယ်၊ ဗာရာဏသီမြို့ ၊ ဆန်စကရစ် တက္ကသိုလ် မှာပညာသင်ကြားလျှက်ရှိပါတယ်။  ဗာရာဏသီမြို့ မိဂဒါဝုန် မြန်မာကျောင်း ဆရာတော်  ဘဒ္ဒန္တ ၀ဏ္ဏဓဇ (အဂ္ဂမဟာ သဒ္ဓမ္မဇောတိကဓဇ) က ဦးဇင်းအပါအ၀င်  ရဟန်းတော်များကို နေ့ဆွမ်းဘုဉ်းပေးရန် ကြွရောက်လာကြရမည့်အကြောင်း ပင့်လျောက်ချက်အရ မိဂဒါန်ဝုန်မြန်မာကျောင်းတိုက်ကြီးကို နံနက် ၉ နာရီမှာကြွရာက်ဖြစ်ကြပါတယ်။ နံနက် ၁၁ နာရီမှာ ဆွမ်းကပ်ပြီး နေ့လယ် ၁၂ နာရီခွဲမှာ ဓမ္မစက္ကမုဒြာ ဆင်းတုတော်ကို  ဗုဒ္ဓါဘိသေက- ဘုရား အနေကဇာတင် တော်မူကြပါတယ်။

         ထို့နောက် မိဂဒါဝုန်ဆရာတော်ဘုရား၏  မိန့်ကြားချက်အရ  ကြွရောက်လာကြသည့်သံဃာတော်များက အလှည့်ကျ တစ်ပါးချင်းစီရဲ့ ဘ၀ရည်မှန်းချက်နှင့် အိန္ဒိယ အတွေ့အကြုံတွေကို မကျဉ်းမကျယ် ၁၀ မိနစ်ခန့် စကားပြောခွင့်ရကြပါတယ်။

       ပထမဆုးံပြောသူကတော့ ဒေါက်တာ အရှင်ပဏ္ဍိတ (မဟာဂန္ထ၀ါစကပဏ္ဍိတ) (ရက္ခမြာရိုး) ဆရာတော်က မိမိဘ၀အတွက်အကြုံနဲ့ အိန္ဒိယအတွေ့အကြုံစတာတွေကို ပြောပြီး ဦးဇင်းနှင့်တကွ တစ်ပါးချင်းစီ အားလုးံ မိမိဘ၀ အတွေ့အကြုံနဲ့ ဘ၀ရည်မှန်းချက်တွေကို ပြောဖြစ်ကြပြီး ညနေသုးံနာရီခွဲမှာအဆုးံသတ်ကာ အမှတ်တရ စုပေါင်း Group ဓါတ်ပုံများ ရိုက်ဖြစ်ကြပါတယ်။

       2012.-ခုနှစ် -နှစ်သစ်မှာ မိဂဒါန်ဝုန်မြန်မာကျောင်းဆရာတော်ဘုရားအပါအ၀င် ပင့်ဖိတ်ထားသည့် သံဃာတော်များနှင့် အမှတ်တမဲ့ ဆုံတွေ့ခွင့်ရခဲ့ပြီး ဒီနှစ် နှစ်သစ်ကူးဟာ ဦးဇင်းအနေနဲ့ လွန်ခဲ့သောနှစ်တွေက နှစ်သစ်ကူးတွေနှင့် မတူ-တမူထူးခြားပြီး ဒီလိုခံစားချက်တွေ အတွေ့အကြုံတွေ ဘ၀ရည်မှန်းချက်တွေကို ပြောဖြစ်ကြတာဟာ ဦးဇင်းရင်ထဲမှာ တစ်သက်လုးံ မမေ့နိုင်စရာ အမှတ်တရ ဖြစ်ခဲ့ရပါတယ်။ ။ ။

                 ဆရာတော်ဘုရား၏ သြ၀ါဒကလည်း ဦးဇင်းတို့အားလုးံကို အမှတ်တရဖြစ်စေပါတယ်။

                                                 သြ၀ါဒ

  "အရှင်ဘုရားတို့ အနေနဲ့ အိန္ဒိယမှာ ပညာသင်ရင်း  ဘ၀အတွေ့အကြုံတွေရယူပြီး, ပညာကို ကြိုးစား သင် ယူကာ အမြင့်ဆုးံဒီဂရီ တစ်ခုခုကိုရအောင် ကြိုးစားကြဖို့လိုသလို-ဘ၀တစ်လျှောက်လုးံအတွက် အခက်အခဲ မရှိအောင်မြင်နိုင်အောင်ဘုရားဂုဏ်တော်စတဲ့ဂုဏ်တော်တစ်ခုခုကိုအဓိဌာန်မပျက်နေ့စဉ်ရွတ်ဖတ်  ဆောင်ထားကြပါ"။

အရှင် စန္ဒိမာ( ဓမ္မလရိပ်)

I wish all of my dhamma friends  to be  successful, healthy, wealthy and peace of mind in  this great Happy New Year of 2012.

               

နှစ်ဖက်ကန်းသူ, တဖက်မြင်သူ, နှစ်ဖက်မြင်သူ

            ဗုဒ္ဓဘုရားရှင်သည် အရာရာတွင် အတုမဲ့ အနှိုင်းမဲ့ ဖြစ်သည်။ အထူးသဖြင့် တရားဟောပြောဆုံးမရာ၌ အံ့ချီးဖွယ် ကောင်းလောက်အောင်ပင် အတုမရှိဖြစ်သည်။ တရားနာသူ၏ အရည်အသွေးကိုဆင်ခြင်တော်မူ၍ အမျိုးမျိုးသော စကားပရိယာယ်  များဖြင့်ဟောကြား တော်မူသည်။  ရံဖန်ရံခါ ဥပမာ ဥပမေယျတို့ဖြင့် စကားတန်ဆာဆင်၍ ဟောပြောတော် မူခဲ့သည်။   နာသူ ကြားသူတို့သည် ထင်လွယ် မြင်လွယ် သိလွယ်ဖြစ်အောင် ထိမိစွာ ဟောပြောနိုင်သည်မှာ သူမတူအောင် ထူးချွန်လှသည်။

ဤနေရာ၌ ကုသိုလ် အကုသိုလ်စသော တရားတို့ကို ခွဲခြားသိနိုင်သော ဉာဏ်အမြင်ရှိသူ သုံးမျိုးအား 

မျက်စိနှစ်ဖက်လုံး ကန်းသူ၊

တဖက်မြင်သူ၊

နှစ်ဖက်လုံးမြင်သူ ဟူသော

ပုဂ္ဂိုလ်သုံးမျိုးနှင့် ဥပမာပေး၍ ခွဲခြားစိတ်ဖြာ ဟောကြားထားသည်ကို တင်ပြလိုပါသည်။

ဗုဒ္ဓဘုရားရှင်က-လောက၌ မျက်စိနှစ်ဖက်လုံး ကန်းသူ၊ တဖက်မြင်သူ၊ နှစ်ဖက်လုံးမြင်သူ-ဟု၍ ပုဂ္ဂိုလ်သုံးမျိုး ရှိသည်။ အဲဒီပုဂ္ဂိုလ်များမှာ...

(၁) အကြင်သူ၌ မရသေးသော စည်းစိမ်များ ရအောင်၊ ရပြီးသော စည်းစိမ်များ တိုးပွားအောင်ပြုနိုင်သောဉာဏ်မျက်စိလည်း မရှိ။

ကုသိုလ်တရား နှင့် အကုသိုလ်တရား၊ အပြစ်ရှိ တရားနှင့် အပြစ်မဲ့တရား၊ ယုတ်သော တရားနှင့် မြတ်သောတရား၊မည်းညစ်သောတရားနှင့် ဖြူစင်သောတရားတို့ကို ခွဲခြားသိနိုင်သော ဉာဏ်မျက်စိလည်း မရှိ။ထိုသူသည် မျက်စိနှစ်ဖက်လုံး ကန်းသော အန္ဓပုဂ္ဂိုလ် မည်၏။

(၂) အကြင်သူ၌ မရသေးသော စည်းစိမ်တို့ကို ရအောင်၊ ရပြီးသော စည်းစိမ်တို့ကိုလည်း တိုးပွားအောင် ပြုနိုင်သော ဉာဏ်မျက်စိရှိ၏။ကုသိုလ် အကုသိုလ်စသောတရားတို့ကို ခွဲခြားသိမြင်နိုင်သော ဉာဏ်မျက်စိကား မရှိ။ထိုသူသည် မျက်စိတဖက်သာ မြင်သော ဧကစက္ခုပုဂ္ဂိုလ် မည်၏။

(၃) အကြင်သူ၌ စည်းစိမ်ဥစ္စာတို့ကို ရရှိတိုးပွားအောင် ပြုနိုင်သော ဉာဏ်မျက်စိလည်း ရှိ၏။ကုသိုလ် အကုသိုလ်စသောတရားတို့ကို ခွဲခြားသိနိုင်သော ဉာဏ်အမြင်လည်းရှိ၏။ ထိုသူသည် မျက်စိနှစ် ဖက်လုံး မြင်သော ဒွိစက္ခုပုဂ္ဂိုလ်မည်၏။-ဟူ၍ ဟောကြားတော်မူခဲ့သည်။
ဤဟောကြားချက်တရားမှာ အင်္ဂုတ္တရနိကာယ် အန္ဓသုတ် အကျဉ်းချုပ်ဖြစ်သည်။ ဤတရားတော် ကို လေ့လာဆင်ခြင်၍ မျက်စိနှစ်ဖက်လုံးမြင်သောဒွိစက္ခု ပုဂ္ဂိုလ်များဖြစ်အောင်ကျင့်ကြံအား ထုတ်နိုင်သော်   လောကီ လောကုတ္တရာ နှစ်ဖြာသောအကျိုးကို ခံစားရရှိမည်မှာ မုချပင်ဖြစ်ပေသည်..။

အရှင် စန္ဒိမာ (ဓမ္မလရိပ်)

သံသုမာရဂိရိ.....သို့

          
  ဒီနေ့ 18,12,2011 တနင်္ဂနွေနေ့မှာ ...တက္ကသိုလ်ကျောင်းပိတ်ရက်မို့  အဆောင်နေသူငယ်ချင်း ရဟန်းတော် (၈) ပါးနုင့် အတူ သံသုမာရဂိရိ ( ဟိန္ဒူ တို့ အခေါ်---ကျူးနာရ်) သို့ ကားလေးတစ်စီးဖြင့် နံနက် ၉ နာရီ ၃၀ မှာ Sanskrit University , International Hostel မှ ဘုရားဖူးခရီး ထွက်ခွါခဲ့ပါတယ်။ အိန္ဒိယ နိုင်ငံရဲ့ ရာသီဥတုက ဒီဇင်ဘာဆောင်းရက်များမှာ အလွန်တရာမှ ချမ်း..အေး ပြီး နှင်းမိုးတွေ ကျနေတာမို့ နံနက် ၈ နာရီ လောက်က ထွက်မယ်လို့ အစီ အစဉ်ချထားပေမေ့ သတ်မှတ်ထားတဲ့ အချိန်တိုင်းမထွက်ဖြစ်ခဲ့ပါဘူး ။ ဗာရာဏသီမြို့ရဲ့ အထွက် မှာတော့ ဟိန္ဒူဘာသာဝင်တို့ရဲ့ အသက်သွေးကြောသဖွယ်ဖြစ်တဲ့ ဂင်္ဂါမြစ် ပေါ်က ဗြိတိသျှ တို့ တည်ဆောက်ခဲ့တဲ့ တံတားကြီး ကို ဖြတ်ကျော်ရပါတယ်။  တံတားကြီး မှ ရှေ့ကီလိုမီတာ ၁၀ လောက်မှာတော့ ဗာရာဏသီ ပြည်ရှင် ဗြဟ္မဒတ်မင်းကြီး စိုးစံအုပ်ချုပ်ခဲ့သော နန်းတော်ဟောင်း ရှေ့လမ်းအတိုင်း ကားလေးကို ပုံမှန်လေးမောင်းကာ နံနက် ၁၁ နာရီ ၂၀ တွင် သံသုမာရ ဂိရိ တောင်သို့   ရောက်ရှိပါသည်။   တောင် ၏  အောက်ခြေတွင် မူဆလင်ဘာသာဝင်တို့၏ သချိုင်္င်းတစ်ခုကိုတွေ့မြင်ရပြီး သံသုမာရဂိရိ တောင်၏ အနောက်ဘက်တွင် ဟိန္ဒူဘာသာဝင်တို့၏ ဘုရား ကျောင်းကို တွေ့ရပါသည်.  အိန္ဒိယနိုင်ငံ၌ ဗုဒ္ဓဘာသာတို့ အထွဋ်အမြတ်ဖြစ်သောနေရာများတွင် ဘာသာခြားတို့၏ အဆောက်အဦများ  တည်ဆောက်တတ် ကြပါသည်။ ဤသည်ကား အိန္ဒိယနိုင်ငံ၌ သူတို့ရဲ့ ဘာသာတွေကို တိုးချဲ့အောင် ပြုလုပ်ခြင်းပင်လော့ဟု .. စာရေးသူတွေးတော့မိပါသည်။  သံသုမာရဂိရိ ခေါ်သောဤနေရာသည်..ဗာရာဏသီမြို့ ဂင်္ဂါမြစ်တောင် ဘက်တွင် တည်ရှိကာ (၁) ရှေးဘ၀အဆက်ဆက်ကတော်စပ်ခဲ့ဖူးသော ခမည်းတော် သူဌေး နကုလပိတာ၊ မယ်တော် သူဌေးမ နကုလမာတာတို့နှင့် ဘုရားရှင်တွေ့ဆုံတဲ့နေရာ ။(၂) နကုလ ပိတာနုင့် နကုလမာတာတို့ရဲ့ လျှောက်ထားချက်ကြောင့် မြတ်စွာဘုရားရှင်က " ကိုယ်သာနာ၍ စိတ်မနာပါစေနဲ့ "ဆိုတဲ့ တရားတော်ကို ဟောကြားတော်မူခဲ့သောနေရာ (၃) မြတ်စွာဘုရားရှင် (၈) ၀ါမြောက် သီတင်းသုးံတော် မူခဲ့သောနေရာလည်း ဖြစ်ပါတယ်။  ယခု အခါ သံသုမာရဂိရိ ဟူသောနေရာ၌ ဗုဒ္ဓဘာသာနုင့် ဆိုင်ရာ အဆောက်အဦ တစ်ခုမျှသာရှိပါသော်လည်း  ဘုရားရှင် ၀ါဆို ၀ါကပ် သီတင်းသုးံတော်မူခဲ့သော နေရာ ၊ ဘုရားသခင်တရားဟောတော်မူရာဒေသထူး ဖြစ်သဖြင့်  ဗာရာဏသီ မြို့ကို ရောက်လျှင် အမှန်ပင် သွားသင့်သော နေရာတစ်ခုဖြင်ကြောင်း ဓမ္မဒါန အဖြစ် ရေးသားတင်ပြအပ်ပါသည်။ 

အရှင် စန္ဒိမာ (ဓမ္မလရိပ်)..